Mujhe is duniya mein rahne do

 Humein insaan hi rahne do

Devi n banao

Tumhari maa hu

Tum mujhse hi ho

Tumhari behan hu

Har muskil mein tumhare saath hu

Tumhari dost hu

Teri sab galtiyon ko nazar andaj kar deti hu

Tumhari premika hu

Niswarth prem karti hu

Tumhari ardhangini hu

Tumhare dukh sukh ki sahbhagini hu

Saath baithne do

Vishesh n banao

Jitni izzat milni chahiye utni bhi de do

Humein sarkar n banao

Mein naari hu

Mujhe devi n banao

Jaisi hu

Waisi hi rahne do

Mujhe aise hi swikaar karo

Tumhe janam dene wali maa hu

Tumhe naau mahine kokh mein rakhnewali maa hu

Tumhe duniya mein laanewali maa hu

Pahla sabd jo tumhare mukh se prasfutit hua 

Woh maa hu mein

Gyaan ka pahle akshar se parichay karanewali

mein tumhari maa hu

Tumhari pahli vidyalay

Tumhari pahli shikshak hu

Tumhe sanskar dene wali

Tumhara bhavishya nischit karnewali 

mein Maa hi hu

Mein hi Maa Durga hu

Mein hi vindhyavasini 

Mein hi maa Lakshmi

Mein hi maa saraswati hu

Karte ho aradhana nischay hi

Par bhool jaate ho ki mein bhi stree hu

Mat pujo mujhe Devi ki tarah

Mujhe rahne do insaan hi

Mujhe nirbhaya mat banao

Mujhe apne jaisa hi rahne do

Tumhari nazro se dar lagta hai

Vasana bhari nigahon se andar tak kaap jaati hu

Ghar se nikalne mein dar lagta hai

Sadko pe chalne pe dar lagta hai

Bus, train ho ya bhir

Tumhare anchahe sparsh se andar tak sihar uthti hu

Itna kya bolu

Chath pe bhi jaane se katrati hu

Kon bhediya kaha baitha hai

Har gali har mor pe shikari baitha hai

Afsos to bas itna hai ki uski bhi maa hai

Chil kauon ki tarah nochne ki firaaq mein hai

Apne vaasna ko tript karne ke liye kisi bhi had tak jaane ko bechhan hai

Uski gidh wali nazrein 

mujhe aise nihaar rahi hai

Andar tak mujhmein jhaak rahi hai

Aise kon dekhta hai

Aakhir mein bhi insaan hu

Andaza lagana mushkil hai

Rahne do mujhe aam hi

Ji lene do mujhe apni jindgi

Ismein meri kya galti hai

Jo ishwar ne mujhe ladki banaya

Mein koi samaan nahi

Mera bhi hriday hai

Mein koi patthar nahi

Mujhe bhi dard hota hai

Mera bhi tumhare saman hi samvednaayein hai

Rahne do hamein insaan hi

Devi n banao

Mein tumhare krida ke liye khilona nahi

Mein tumhare bhog ki vastu nahi

Mein koi anand prapt karne ka sadhan nahi

Mein bhi tumhare tarah hi hu

Mujhe bhi jeene ka haq hai

Tumhare bachpan ki gudiya nahi

Jitna man karein

Utna todo maroro

Mujhe bhi rahne do is duniya mein

Hamein Devi n banao

Insaan hi rahne do