Mujhe naachna hai

 Mujhe naachna hai

Mujhe gaana hai

Mujhe sab kuch karna hai

Bas tere pass pahuchna hai

Mujhe rihai chahiye khud se

Mujhe tujh se milna hai

Yeh sharir nahi chahiye

Bada dard deta hai

Pata nahi kaisi becchani hai

Kuch adhoora sa hai

Ajeeb si tadap hai

Utawlapan hai

Kuch bhi karna chahta hu

Bas tumse milna chahta hu

Ang ang mein farak hai

Pura sharir hi gatimaan hai

Khud se azaad hona chahta hu

Bas kisi tarah tumse milna chahta hu

Mila kyu mujhe yeh sharir

Har pal tumhare liye vyagra

Lagta hai tumhara hi hissa hai

Jab tumhare sang hi khush hai

Tumse hi milna hai ise

Phir itni duri kaise

Raasta to pata nahi

Kuch samajh aata nahi

Bas pahuchna hai

Tumse milna hai

Sansar mein bahut prem hai

Mujhe bhi hua hai prem

Par tumse prem

Yeh kuch alag hi baat hai

Aisi milne ki bechhani nahi kahi

Dil karta hai bas nachta hi rahu

Dil karta hai bas gaata hi rahu

Shahir ko kho du

Bas kisi tarah tumse mila du

Saayad aatma aatma ka prem hai

Aatma ko aatma se milna hai

Aatma ko aatma mein ghulna hai

Sharir to bas naqaab hai

Jab tak mil n jaau

Aise hi tadapna hai....