Rango ka badal barasta

 Rango ka badal kyu nahi hota

Bas rang hi barasta

Saara sahar rangin hota

Koi bhi berang nahi hota

Dar lagta hai jinhe rango se

Wo bhi rango se ranga hota

Jab bhi barasta rang hi barasta

Ham sab rangeen hote

Ham sab mein koi bhed nahi hota

Bas ham rangeen hote

Phir bhi insaan bhed dhoond hi leta

Kisi n kisi rang ko shreshth samajh hi leta

Gaddhe rang ko swarn samajhta

Halke rang ko nich

Yeh manav ke soch ki samasya hai

Antar mein hi upajta hai

Khud ko behtar samajhna

Khud ko alag rakhna

Insaani dimaag ki fitrat hai

Warna milan hi to holi hai

Kabhi ham unse

Kabhi khud se

Rango ki koi jaat nahi hoti

Rang se bas rangin hoti

Falgun mein bhi barasta badal

Dil mein yeh kaisi kasak hai

Falgun sab kuch laata hai

Bas baarish kahi chhut jata hai

Falgun mein jo baarish hoti

Aur rango ka badal barasta

Yeh saari jamin rango se bhari hoti

Aasman bhi rangin hota

Man bhawan hota

Rango wala ulaas hota

Charo taraf anand hi anand

Anand ka prakash hota

Devta bhi jalte

Dharti pe janamne ko taraste

Yeh rangin duniya

Aur kitni rangin hoti

Kon kon rango se bhari hoti

Soch soch ke hi hriday prafullit

Devta chahe hote to aisa hi hota

Bas kalpna matra n hota

Indra ko bhay tha

Ki swarg ho jaati tuccha

Rangin prithvi ke saamne

Isliye badal ka aisa rang banaya

Paani mein jab rang milein

Tab hi ho paaye rango ki holi

Aisa hum karne ko badhya kiya

Devta jalte hai

Maanav ke ulaas se

Devta samajhte hai khud ko shreshth

Rahna chahte hai alag

Warna dharti pe nahi utarte

Khelne holi hamare sang

Ab ki baar jo milu unse

Le lu unse pratigya

Ki rango ka hi badal barse

Ranghin badal n utre jameen pe

Devta hai dhurt

Devta hai chalak

Falgun mein barsat nahi

Aur saawan bin holi ke

Falgun mein virhan ka dard sataye

Sawan mein piya ki kami khal jaaye

Kitna accha hota

Bas barsa wala falgun hota

Aur koi mausam n hota

Saara sansar rango mein dhaka rahta

Devta ki chalaki khub hai

Insaano se jalan bharpoor hai

Apna samrajya bana rahein

Insaan unke saamne jhuke rahein