Sahar deewana hai tera

 Sahar gamgin hai tere bina

Tu kyu nahi aayi

Aaj puccha raha hai pura sahar

Tu jo aa jaati

Chamak aa jati pure sahar mein

Tere bina bezaar hai yeh sahar

Tere rup ki chand ki baarish jo ho jaati

Is sahar ke dil ko thandak mil jaati

Ashko ki baarish hui aaj

Jo tu n aayi

Pura sahar bheenga hai

Ek tere n aane se

Aana tha n tujhe

Par kyu nahi aayi

Itna bhi guroor kyu

Saayad tujhe ahsas hai

 ki pura sahar gira hai tere pyaar mein

Khoya hai tere ahsaas mein

Pure sahar ke sapno ki rani hai tu

Har kisi ki jubaani hai teri kahani

Aaj tu hai

To tere liye sahar ro raha hai

Kal koi aur hoga

Uske liye sahar gamjada hoga

Aana jaana laga rahta hai

Tere se hi sahar roshan hai

Bematlab ki baat hai yeh

Kuch jyada hi naaz hai tujhe khud pe

Aisa hota hi nahi meri jaan

Samay jis justju mein nikla hai

Waqt bada bemurawat hai

Jo jaisa hai waisa nahi rahta

Tujhe afsos hi milega

Bana le khud ki murat aaj hi

Fir waqt mauka nahi dega

Sahar tujhe yaad kar le saayad

Kuch din beet jaane de

Yeh sahar tujhe pecchanega hi nahi

Yeh roop rang ka jauhar

Husn e malika

Tera yeh aafrin jism 

Husn e jaana

Tera yeh naaznin chehra 

Teri sokhi adayein

Kuch bhi mayassar nahi hogi

Tere waqt ka suraj jo utar jaayega

Aaj jo sahar tere deedar ko tarash raha

Tere jo qurbat mein hai yeh sahar

Kal juda ho jaayega

Kitna bhi taraash le

Tu patthar nahi ki ek sa rah jaaye

Tu to mom hai tujhe to pighalna hi hoga

Tarasti rah jaayegi tu

Fir woh mehak n luta paayegi

Khoi jawani kabhi laut ke thore aati hai

Ae jaanashin

Nazro ka khel hai yeh tera husn 

Nazrein firte waqt nahi lagti

Jajbaato se mat khel roop ki rani

Waqt badalte der nahi lagati

Aaj jo shor macha hai har gali mein tere mutasir

Sab begane ho jaayenge ek din

Haya jo tere chehre pe noor ki baarish kar rahi hai

Tere gaalo ki gulabi chumne  ke liye majboor kar rahi hai

Tere surkh oth pyaasa bana rahi hai

Teri aakhon ka jaam nashe mein dooba rahi hai 

Teri balkhati chal sahar ko gunehgar bana rahi hai

Tere lambe geshu ungliyon ko thirka rahi hai

Sangmarmar sa badan sahar ke hasrat ko badha rahi hai

Aaj jo sabko pagal bana rahi hai

Har koi diwana hai jiska

Gaflat mein ji rahi hai sahar e mashooqa

Yeh tasavvur hi rah jaayega husn e aziz

Shandaar e dil ko yaadgar bana

Ruh ko khuda se mila

Janaja uth bhi jaaye tera

Sahar ke dil mein kabr bana

Sab fanaa bhi ho jaaye

Duwaein yaad rahti hai

Kar tu itni barakkat 

Ki har roj tu yaad aaye

Ki teri yaad is sahar ke liye aisi ho

Har din eid ban jaaye

Har saam majlish e shaam ho jaaye