Teri kimat kam n ho jaaye

 Mein nahi chahta tu meri ho jaaiye

Teri kimat mere saamne kam ho jaaye

Bas tera deedar ho jaaye

Tu mujhpe itna hi karam farmaye

Tujhe pass rakhne ki hasrat nahi mujhe

Tujhe dekhna chahta hu har samay

Pass jo rakh lu

To saayad n dekhu tumhe utne pyaar se

Insaan ki fitrat hai

Mil jaaiye jo chiz use

Ahamiyat nahi rah jaati dil mein uske liye

Tu hi meri anarkali

Tu hi meri mumtaaz

Mujhe bhi banana hai teri yaad mein Taaj

Kitna bhi mein firu idhar udhar

Mere jindagi ka markaz tu hi hai meri jaanishar

Barkarar rakhna hai mujhe apne dil mein tere liye bekarari

Bhulna nahi chahata teri kimat

Rakhna chahta hu dil mein tumhare liye pyaar hamesha

Ki kahi tu kho n jaaye sahar ke bhir mein

Mohabbat paane khone se bahut bada hai

Mehboob ka deedar khuda ki inayat se badhkar hai

Kitna bhi deedar ho jaaye

Dil hai ki bharta hi nahi

Jitna bhi bhulu tujhe utni hi yaad aa jaaye

Tera nasha mujhpe aise hi chhaya rahe

Teri justju mein yu hi firta rahu

Kurbat mein hoke bhi teri kami mujhe khalti rahein

Tujhe paane ki hasrat mere dil mein yuhi jinda rahein

Meri dua mein tu yu hi bani rahein

Meri khuda se guftgu yu hi chalti rahein

Mein khuda se tujhe maangta rahun

Aur khuda mujhse tujhe itna chahne ki wajah pucchta rahein

Mere andar tere liye chahat kabhi kam n ho

Mein khud ko yuhi tadpata rahu

Tujhe paane ki jidd mein jinda rahu

Teri yaad mein khud ko jhulsata rahu

Tujhe paane ki hasrat mein andar hi andar sulagta rahu

Mera tujhpe yakeen yu hi bana rahe

Teri hi kasmein mein khata rahu

Khuda maan liya hai meine tujhe

Tere sajde mein aise hi jhuka rahu

Mein nahi chahta tu meri ho jaaye

Teri kimat mere saamne kam ho jaaye