Teri umar n lage mujhe

 Kyu dua deti ho mujhe apni umr lagne ki

Mein jinda hu bas tumhare liye hi

Saath jeene marne ki kasmein khaaye hai

Tumhari umar jo mujhe lag  jaaye

To mein akele kaise rah paaunga

Mein tumse hi hu

Yeh n bhulna kabhi

Tumhari umar lag jaaye mujhe

Aisi baatein kabhi dobara karna nahi

Badi khudgarz insaan ho

Mujhe akele chhor ke jaana chahti ho

Is muskil jindgi ki raah mein akela chhorna chahti ho

Kaise kategi yeh jindgi tumhare bin

Ek baar bhi socha hai

Nahi karna kabhi dobara aisi baat

Ki lag jaaye tumhari umar mujhko...

Saath jeeyenge saath marenge

Jab tak jeeyenge saath rahenge

Dono ki umar ek dusre ko lag jaaye

Bas hamare saath ko kisi ki nazar n lag jaaye

Karenge duyaein ek dusre ke liye

Ki jaisa saath ab tak hai waisa hi bana rahe 

Kitni bhi musibatein aayein raaste mein

Hume rahe saath ek dusre ke...

Jindgi adhoori hai bina tere saath ki

Tu hai to jindgi mumkin hai

Is berang si jindgi mein bas tera hi rang hai

Tera saath hi bas saccha hai

Baaki sab rishta jhootha ....