Kon hai asli dushman

 Mein to itna thaka hu

Mujhe kuch yaad hi nahi aata

Aaj bit gaya

Kal fir naya din hoga

Kal fir nayi baatein hogi

Purana kuch bhi yaad n hoga

Itna kaam hai din bhar

Saans lene ki bhi fursat nahi

Kya nafrat kya pyaar

Kya jaati kya dharm

Mujhe to kuch yaad hi nahi

Mujhe to bas kaam yaad hai

Bhukhe pet bhajan nahi hoti

Bina karm koi gati nahi hoti

Kya raam kya allah

Mera kaam hi mera bhagwan

Jab kuch nahi tha

Tab bhi pet tha

Mujhko bhookh lagi thi

Bhookh n jaane ram

Bhookh n jaane allah

Mere maa baap hi hai sab kuch

Jisne sikhaya mujhko jeene ka tarika

 Kaam hai itna jyada

Samay hai kam

Kab jaana ho jaaye

Kisko hai khabar

Jab mandir bhi nahi the

Jab masjid bhi nahi the

Hum to the hi

Pahle hum the

Tab aaye hamare vichar

Vicharon se pet nahi bharta

Bharta hai pet kamai se

Din ka pata hi nahi chalta

Kab subah

Kab saam

Saal to aise beet rahe 

Jaise beete din

Jindgi beeti jaa rahi

Aise hi bujh jaayegi jiwan ki lau ek din

Fir bhi maanav hai budhihin

Jaanta hai kuch nahi rahega

Sabko jaana hai ek din

Lad raha hai aise

Jaise woh hi hai sarvshresta

Tum bhi jaaoge

Woh bhi jaayega

Dharm tumse hai

Tum dharm se nahi

Pattharon ka dharm kon hai

Pair patto ka kaha koi bhagwan

Tum ho to sab kuch hai

Tum nahi to kuch bhi nahi

Tum ho to shrishti hai

Tumhare bagair achetan hai sab kuch

Samjho re manav

Vyarth ke moh mein fase ho tum

Jiwan ko uttam banao

Idhar udhar ki baton mein samay n gawao

Garibi hai asli satru

Tum pehchan hi nahi paa rahe ho

Kon hai tumhara asli dushman