Some beautiful shayari-2

 Rishte ki baat hi n karo

Puri duniya hi dushman ban jaati hai

Jo sahi ko sahi kah do

Aur galat ko galat

Yeh duniya hi gaflat hai

Jhooth ka sarmaya hai

Chehre to hai hi nahi

Bas mukhote hai

Yaha munsif hi qaatil hai

Sach ki baat kon karein....

Pata nahi yeh kaisa insaf hai

Mein bolu to mera adhikar hai

Tum bolo to mera apman hai

Raja hu mein

Mera huqm bhi kanoon hai

Tumhari rai bhi desh ke khilaf hai

Mano meri har baat

Warna faasi taiyar hai

Mein qatil hu to kya hua

Munsif bhi to mein hi hu

Mein Raja hu

Yahi mera insaf hai

Har shaks se mohabbat ki ummid n kar

Mohabbat paak hai

Kaafiro se ahteram ki baat kyu karni

Khuda ko maan bhi le to kya

Khuda ki ibadat bhi kare

Yeh lajimi thore hai

Yahi koi kam hai ki bistar pe bhi chahat hai

Unse puccho jinke deedar se bhi log katrate hai ..

Duniya se ladne ki baat karte ho

khud ke andar dekho

Har shaks gunehgar hai

Dil janta hai sach

Ki hum khuda ki kya tafsil kare

Accha hoga ki hum namurado se koi takrir n kare

Raste jahiliyat ke hai

Mansoobe ki kya baat kare

Hum bhi utne hi galat hai

Jinse ladne ki baat karte hai

Sab unmein hi shaks dhundte hai

Unke itar bhi ek duniya hai

Thora nazaro se takreer kar

Har shaks saandar hai

Dekhne ka nazariya badle

Yeh duniya gulfam hai....

Chehre badal bhi jaaye

Mansoobe kaha badalte hai

Khak e watan pe marnewale roj kaha paida hote hai

Apne hind se sabko itna pyaar kaha hota hai 

Itna asan hota mitti pe mar mitna

To desh ghulam hi kyu hote

Sahido ke majaron pe nahi lagte mele

Ahl e watan pe mitnewale kam hi hote hai

Baatein ishq ki bahut karte ho

Bas ishq hi hai

Ki kuch nibhane ki bhi baat karte ho

Ishq mein shayar to bahut mil jaayenge

Par zara ka veer bhi kabhi ban paaoge

Soch lo

Tabhi ijhaar e mohabbat karna

Warna shayari hum bhi umda karte hai

Likhne walo ki kami nahi

Faazil aashiq humne bhi bahut dekhe hai