Tujhse milna hai

 Tujhse milna hai

Milke kuch kahna hai

Dil ki baat hai

Dil mein hi dabi hai

Aaj tumse kahna hai

Ijhaar e mohabbat karna hai

Bahut dino se soch rakha 

tha

Bahut dino se rok rakha tha

Woh sab kuch kahna hai

Jo tumhare baare mein soch rakha hu

Apne rishte ko naya naam dena hai

Ek naya aayam jodna hai

Pata nahi tumhe kaisi lagegi

Par kahna jaruri hai

Ab aise raha nahi jaata

Mana ki dosti hai

Par ise ek sakal dene ki arzi hai

Tu kya chahti hai mujhe pata nahi

Par hamesha aisa nahi chal sakta

Tu mujhe acchi lagti hai

Jo mere dil mein hai mein to bolunga

Tujhe accha na lage

Koi gila nahi

Par aise hamesha nahi chal sakta

Ho sakta hai tu alag ho jaaye

Ho sakta hai ab hamari baat n ho

Ho sakta hai dosti khatam ho jaaye

Mujhe afsos bhi ho

Meine ek dost kho diya

Par kahna jaruri hai

Jo dil mein hai

Rishte ko aage badhana bhi jaruri hai

Ek arsa beet gaya

Hum aaj bhi wahi khare hai

Sab kuch badal raha hai

Par hum ab bhi wahi hai

Mein to bolunga hi

Maan gayi to acchi baat hai

N maani to bhi acchi baat hai

Ek naya mor hoga

Ek naya raasta hoga

Hum uspe hi badh chalenge

Jindgi mein kuch naya kar paayenge

Naye rishte milenge

Unhe hi nibhayenge

Jo mila bahut accha tha

Jo n mil paaya 

Koi afsos nahi uske liye

Aage to badhna hi hai

Jindgi to jina hi hai

Naye rishte banane hi hai

Unhe nibhana bhi hai