Sayar se mohabbat

 Ek sayar se mohabbat ho gayi hai

Sayari hi sayari har waqt

Kya kahu

Mohabbat hui hai usse

Ya sayari ki takalluf

Hawa mein hai sayari

Aur uska sayrana andaaz

Koi bhi dil de baithe

Jab sayar hi husnpari ho

Benaras mein rahti hai

Sita ji ke ghar se aayi hai

Vishwanath ki bhakt hai

Aur Raam mein atut viswaas hai

Chulbuli si hai

Vasanti hawa ki tarah

Kabhi idhar kabhi udhar

Chanchal aur sokh

Kabhi ithlati

Kabhi balkhati

Lagta hai benaras usmein hai

Wo benaras mein nahi

Ghato pe ghumti

Ghato pe mar mitti

Assi ghat jaise ek kadam mein

Kashi vishwanath 

Har subah aur saam

Bhakti aur shakti

Roop aur kavita

Sab ek hi mein piroya

Jaisi unki marzi

Sita ko jiti hai

Radha ko chahti hai

Parvati ko pujti hai

Saayar hai 

Par naari bhi hai

Benaras se hai pyaar use

Aur mujhe usse

Adayein bhi banarsi

Lahja bhi benarasi

Bekhauf beparwah

Lambe gesue wali

Chehre se baal hatati

Utne pal mein hi dil jit jaati

Ek hi dil hai mera

Kitni baar

Har baitha hu mein

Mujhe yaad nahi

Kabhi muskurati

Kabhi sharmati

Kabhi jor se has parti

To kabhi baccho ki tarah muh bana leti

Shiv ke jaisi hi hai

Bhole bandari

Har waqt sayari sunati

Khub dillagi karti

Baaton baaton mein dil rijha leti

Mujhko apna bana leti

Shaayari ka daur chal parta

Kabhi mujhe apna kahti

Kabhi mujhe apna banane ki jidd karti

Kahti ki mein sundar hu

Uske dil ke karib hu

Baaton mein jadu hai uske

 Kahti hai ki ji n paayegi mere bina

 Kabhi chhor ke n jana mujhe

 Do pal ke liye bhi ojhal ho jaau

 To becchan ho jaati

 Kabhi lagta hai sach hai yeh sab

To kabhi sochta hu

Saayad shaayari ka nayak dhoond rahi

 Mein to bas ek charitta hu uske liye

Wo apne nayak se prem karti hai

 Uspe hi marti hai

Kya maanu ise

Udherbun mein hu

 Wo meri hai

Ya apne nayak ki

Prem nayak se hi ho saayad

Par saamne to mein hi hu

Samvaad to mujh se hi hai

Sun to mein hi raha hu

Abhivyakti to mere liye hi hai

Prem jhootha hi hua to kya

Premi to mein hi hu

Premras ka paan to mein hi kar raha

Kahti hai jaan hu mein uska

Uske hriday mein vidyaman

Ram hu mein uska

Krishna ko mujh mein dekhti hai

Bhagwaat use yaad hai

Ramayan mein hai gehri aastha

Durga saptsati ka paath

Maa se milne ka bahana

Kya kya nahi kahti mujhse

Tumhi mere chand ho

Tumhi mere suraj

Tumse suru hoti hai meri jindagi

Tum pe hi hogi khatam

Tum hi din ho mere

Tum hi raat

Tumse hi hoti hai subah

Tumse hi hoti har saam

Yu hi sada rakhna

Haath mein haath

Kabhi chhor ke n jaana mera saath

Tum hi diwa ki umeed

Tum hi ho nisha ka sahara

Tum hi ho mere gagan

Jismein udna hai mujhe

Tum hi ho jaare ka suraj

Tum hi ho tapte registaan mein baarish ki ek boond

Tumse hi tript hoti hu mein

Tumhara darshan hi hai jiwan ka ek matra prayojan

Ye shaayari hai ya mohabbat

Waqt ke pass hi hai iska uttar

Mein to uski aakhon mein utar gaya hu

Aakhon ke jheel mein prem ka patvaar liye tair raha hu

Kahti hai palke hai hi is liye

Aakhon mein jo chhupa lu

Aakhon mein tum ho

Palke gir jaaye aur mein uske aakhon mein hi rah jaau

Sayari to dilkash hai

Kaash aisi mohabbat bhi hoti

Baraste badal ko dekh jhoom uthti hai

Pucchti hai mujhse 

Badal hai kyu umar rahe

Kahti hai ki badal khusi se baras rahe

Saayad uske Ram hai aane wale

Khidki khol

Bahon ko failati hai

Bheengte haathon se hi pulkit ko jaati

Thandi hawa ko mahsoos kar

Kahti yahi to swargsukh hai

Kabhi radha ki virah ko mahsoos karti

Kahti ki krishna ke jaane ke baad

Har barsaat mein radha kitna tadapti hogi

Mein hi uska raam hu

Mein hi uske radha ka krishna

Mein to khota jaa raha hu uske prem mein

Mana ki sapna hi hoga

Par ab yeh sapna hi apna hai