Mat baandho mujhe

 Mat baandho mujhe

Bandhan se nafrat hai mujhe

Azaad rahna hai mujhe

Azaad

Bilkul azaad

Prem mein mat baandho mujhe

Ghutan mahsoos hoti hai

Sochne mein taklif hoti hai

Kuch juda sa lagta hai

Judne se dard hota hai

Wo apne taraf khichti hai

Mein uski aur mur jaata hu

Sab kuch bhul jaata hu

Kya hai yeh

Mein khud ko hi nahi jaana pata hu

Jindgi se laalach ho jaata hai

Bhatakne ki kya baat karu

Mein apne raaste ko hi bhul jaata hu

Parwaaz ki kya baat karu

Ghosle se bhi nahi nikal paata hu

Asmaan ki bulandiyon tak kya pahuchu

Jameen pe hi leta milta hu

Hoslo ki udaan bharni thi

Chanchal man ka shikar ban jaata hu 

Yeh kaisa prem hai

Prem hai ya vyadhi hai

Mein jiwit hu ya mrit hu

Purush hu ya apurush

Shanka ka badal ubhar aata hai chitt mein

Apne sapno ko sach banana tha

Jiwan mein kuch mukaam pana tha

Par sab vismit ho chuka

Ab kaha kuch yaad hai

Bachpan ke lakshya 

Kya baalak man ki maatra kalpna the

Jiwan ke satya ke saamne nahi taharte hai

Kyu bandhna aise jiwan ki maya mein

Kyu prem ko swikaar karein

Andha ho gya hu mein

Bhatak gaya hu mein

Charo taraf bandhan hi bandhan hai

Bas bandh ke rah gaya hu mein....