Mein to akela hu

 Aaj subah utha to

Bada akelaapan tha

Kuch khaali khaali sa tha

Kisi ki yaad thi saayad

Par woh pass nahi thi

Call lagaya 

Par kahne ko kuch nahi tha

Call cut ho gaya

Saayad uske pass bhi bolne ko kuch nahi tha

Pahle kaha se itni baatein aati thi

Ab to jharna hi sukh gaye

Boondo ki kya baat karein

Rah gaye mein aur meri tanhai

Fir wahi akelaapan

Aur ghor andhiyara

Sab kuch hoke bhi kuch nahi hona

Kitne apne hai

Rishton ke naam pe

Par dhoondo to

Sab ke sab bahut dur hai

Kuch rishte meine bhi banaye

Par waqt ke saath sambhal nahi paaye

Yeh kaisa khaalipan hai

Sab kuch hoke bhi

Kaha kuch pass hai

Kahne ko sab apne hai

Par sach mein kaha koi pass hai

Itna kuch kahna hai

Par kis se kahu

Itna kuch baatna hai

Par kaise baatu

Dil mein hi rakhna behtar hai

Dil ke bahar sab bekaar hai

Sikh liya hai hamne akele rahna

Dil ki baatein dil mein hi rakhna

Diwaro se kon baat karein

Khidkiyon ko kon khole

Sab andar hi behtar hai

Bahar sab bekar hai

Sahar kitna bada hai

Par apna yaha koi nhi

Hisaab lagane baitha hu

Jindgi ke is paraw pe

Kya khoya kya paaya

Sab kuch khoya hi hu

Paaya to kuch bhi nahi

Do log bhi saath nahi

Aisa kya kuch paaya hu

Saayad mein hi galat tha

Jo itna akela hu

Bachpan mein to sab saath the

Aaj pura jiwan hi akela hai

Dosto ki sohbat nahi rahi

Pyaar ko waqt ne nigal liya

Apne kyu chhor ke chale gaye

Yeh bas haalat ko pata hai

Mein to bas akela hu.....