Meri maa

 Meri maa mujhse baat nahi karti

Mein bhi koshish nahi karta

Meine kabhi dekha nahi use

Usne bhi mujhe nahi dekha

Saath hi rahte hai

Ghar to ek hi hai

Kamre bas alag hai

Hum kabhi baat nahi karte

Wo mujhe kabhi nahi dekhti

Mein bhi use nahi dekhta

N mein use kuch kahta

N wo mujhe kuch kahti

Saayad aisi hi hai meri maa

Gambhir

Shakht aur kathor

Ya dyalu

Par darsaati nahi kabhi

Mein bhi hu komal hriday

Par kabhi nahi karta prem pradarshit

Saalon se hai ek hi ghar mein

Log aate hai

Log jaate hai

Par hum dono hi hai bas sthir

Sab kahte hai mein mere maa jaisa hu

Sundar 

Bahut sundar

Charitra kathor

Par man paani jaisa

Hriday komal

Par man hai balak jaisa

Mein hu ab bhi balak jaisa

Uske mamta ke chhaw mein

Sab kuch karti hai mere liye

Bina kuch bole

Mein bhi uspe nirbhar hu

Bina kuch soche

N koi sawaal hai

N mujhe dena hota hai koi jawab

Sab kuch kitna spast hai

Karya aur kartavya

Dharm aur aastha

Sab jidd karte hai apni maa se

Meine ye kabhi sikha nahi

Mein kuch nahi kahta

Meine sikha hi nahi kuch kahna

Wo kuch nahi kahti mujhe

Jaise mujhme koi galti hi nahi

Ya balak hu mein uska

Saayad galti dikhti hi nahi

Mein is jiwan mein maa ke alawa kuch nahi sikha

Meine maa ke alawa kuch nahi jaana

Mera jiwan hi meri maa hai

Mein uske bina hu hi nahi

Mein khud mein usko dekhta hu

Uske har gun ko khud mein dhoondta hu

Mein uske jaisa hi hu

Nischal aur nirwikar

Prem aur purskar

Log itna kuch kahte hai apni maa ke baare mein

Mere pass to kuch bhi nahi kahne ko

Meri maa hi mera sansaar hai

Mere saare gyan ka srot wo hi hai

Meine sab kuch us se hi sikha hai

Meine usko dekh ke hi jiwan ko samjha hu

Meri maa mein koi iccha nahi

Pura jiwan sada hai

Gyaan hi uske liye sabkuch hai

Meine jiwan ka rahasya usi se jana hai

Mein uske jaisa n ban saka

Mera gyaan adhura hai

Mein ab bhi uske paas pahuchna chahta hu

Par aaspass bhi nahi pahuch paaya hu

Samvaad nahi hai hum dono ke madhya

Jarurat bhi nahi pari uski

Mein kuch kyu kahta

Jab sab kuch wo jaanti hi hai

Mein har naari mein use dhoondta hu

Meri khoj abhi bhi baaki hai

Itne ucche adarsh dekhe meine

Dharti pe ji nahi pata hu

Pura jiwan hi uska sangharsh hai

Par sawal nahi koi man mein

N kisise ghrina

N kisi ko dosh deti hai

Aise hi jiti hai woh apni jindgi

Mein bhi uske peeche peeche chalta hu

Mujhe is jiwan se kuch nahi chahiye

Sab kuch diya mere ishwar ne

Mujhe dhan ka lobh nahi

Aur gyaan ki khoj mein jiwan samarpit

Sab kuch maa se hi sikha hai

Uske jaisa hi banna hai mujhe.. 

Ishwar aapke charan mein vandan

Har janam mein apni is maa ka hi putra rahu...