Naya ghar bana hai

 Suna hai naya ghar banwaya hai unhone

Purane se nafrat thi saayad

Purana chhota tha saayad

Purane se kaam nahi chal paa raha tha

Kuch bhi ho 

Naya ghar ka romanch alag hi hai

Sune hai ghar ka gharwaas hua hai

Bahut se apne nahi aaye

Sun ke dard hota hai

Jinka ghar hai woh bhi nahi aaye

Sabke apne karan hai

Koi kahta hai jaha bade ki izzat nahi

Waha ham nahi jaayenge

Koi kahta hai ki naye ghar ki jarurat hi kya thi

Koi kahta hai ki itihaas badalna hai unko

Apni kitaab likhenge

Apne naayak gadhenge

Yeh bhoomi kuch alag hai

Yaha ka kanoon kuch alag hai

Yaha wahi hota hai jo hona chahiye

Samay iska sakshi hai

Kon nahi jaanta hai

Sara samay ek sa nahi hota hai

Samay ka badalna to niyati hai

Suraj ugega to dubega hi

Suraj dubega to fir ugega hi

Raat ke baad din

Din ke baad raat

Ek sa samay hota kaha hai

Raat bhi jaruri hai

Din bhi jaruri hai

Kabhi hawa tez hai

Kabhi hawa madhyam hai

Kabhi sukha hai

To kabhi baadh hai

Duniya aise hi chalti hai

Duniya aise hi chalti rahegi

Unka soch bhi accha tha

Inka soch bhi accha hai

Unka vichaar kuch alag hai

Inka vichaar kuch alag hai

Yahi to bharatvarsh hai

Yaha to sab kuch hai

Kabhi garmi hai to uske baad barsaat hai

Kabhi garmi hai to uske baad thandak hai

Suna hai naya ghar bahut sundar hai

Suna hai naya ghar bahut bada hai

Gharwaas bhi ho gya hai

Naya ghar hai to kuch to naya hoga hi n

Sune hai naya pratik bhi aaye hai

Purane pratik kho jaate hai

Naye pratik prayog mein aate hai

Aise hi chalta aaya hai

Aise hi chalta rahega

Jo aaj hai wo kal nahi rahega

Jo aaj nahi hai wo kal rahega

Samay aise hi badhta rahega

Jo farsh pe tha kal aaj woh arsh pe hai

Jo kal tak arsh pe tha aaj woh farsh pe hai

Samay ka pahiya ghumta rahega

Kuch aadarsh stapith hai

Loklaaj bhi koi chiz hai

Vyavhaar sthir hona chahiye

Paristhitiyon se prabhawit nahi hona chahiye

Jiwan ka chakra chalta rahega

Behtar hai adarshon ke aas pass hi ho

Ghar naya ho ya purana

Pura to apno se hi hota hai

Ghar itto ka dher nahi

Bhawanon ka samagam hai

Ghar se aakhir kyu duri

Saam hote hi yaad aati uski

Kaha bhatak raha hai pathik

Jiwan ka sach to samajh

Sab kuch tere marji ka na hoga

Kuch tere man ka

Kuch unke man ka bhi hoga

Tu bol khub

Tera ghar hai

Thora sun bhi le

Aakhir uska bhi yeh ghar hai

Ghar bada hai

Parivaar jaruri hai

Akele koi kuch bhi nahi

Ekta mein hi taaqat hai

Saath rahenge to parivaar aage badhega

Bate rahenge to parivaar nahi chalega

Ghar tute

Bahar wale lute

Hamesha yaad rahein

Niji swaarth ka koi arth nahi

Parivaar se badhkar kuch bhi nahi

Ghar to sabka hai

Dukh sukh to laga rahta hai

Sab kuch man ka ho 

Jaruri to nahi

Kuch man ka to na bhi ho 

Yeh bhi jaruri hai

Yahi to jiwan ka swaad hai

Parivaar hai to man mutaaw hoga hi

Kuch upar kuch neeche hoga hi

Suna hai kisine ghar ko taabut kaha hai

Aisa bhi kya gussa

Apne ghar ko hi kharab kaha hai

Kal kaha rahoge

Akele to nahi rahoge

Apna naya ghar banaoge

Aise thore hota hai

Parivaar se badhkar kuch nahi hota hai

Hum khud kaha kuch hai

Hum sab bandhe hai

Hum apne parivaar se hi hai

Parivaar hai to ham hai

Bina parivaar ke hum kuch nahi

Parivaar badhega to hum badhenge

Bina parivaar ke bhatakte rahenge

Milke parivaar ko aage badhana hai

Ek hi ghar mein ham sabko rahna hai...