Nayi aadtein

 Yu gussa ho gaye mujhse

Khata bhi unki thi

Baat hi nahi kar rahe 

Jaise humne kuch galat kah diya

Ye aadat badi bekar chiz hai

Unki ho

Ya unke baaton ki

Kuch adhoora sa lagta hai

Jindgi muqammal nahi hoti

bina unke khwab ke

Subah se saam ho gayi

Kuch kami reh gayi

Aaj jo unse baat n hui

Aadat hi to hai

Badal jaayegi

Jaise waqt hai

aage badh jaayega

Fir naya aasra hoga

Ek naya sahara hoga

Nayi aadtein hongi

Unhe pura karnewale bhi naye honge

Itihaas dohrai jaayegi

Fir wahi kisse honge

Bas sunne wale alag honge

Maahol wahi hoga

Mehfil wahi hogi

Sokh wahi hoga

Andaaz e bayan bhi wahi hoga

Mar mitne wale bhi honge

Humein chahnewale honge

Fir pyaar lutega

Waadon aur kasmon ka silsila chalega

Karwa kaha rukega

Waqt tai karega

Mein wahi rahunga

Bas we naye honge

Mere liye

Duniya ke liye nahi

Parde badal jaate hai

Kirdaar wahi rahte hai

Rangmanch naya hoga

Kahani to wahi dohrai jaayegi

Kya jhooth hai 

kya sach 

Kya vaastavik hai

Kya dikhawa

Ae rupesh ismein samay n barbaad kar

Jo mil gaya wo tera hai

Jo chala gaya woh kisi aur ka hai

Bhul jaa un yaadon ko

Jo sukoon kam

Dard jyada dete hai

Bhul jaa un kirdaro ko

Jo kabhi tere saath the

Ab wo kisi aur ke saath hai

Ae rupesh 

Jo bit gaya

Wo tera nahi hai

Jo hai

Wahi tera hai

Use hi apna

Aur jindgi ka karwa aage badha

Tu kuch nahi kar sakta

Tere khayalat bas tere hai

Wo uske nahi

Teri soch bas teri hai

Us pe mat laad

Tera koi hai

Is mugalte se bahar aa

Koi nahi hai tera

Bas itna yaad rakh

Waqt se badhkar kuch bhi nahi

Jo aaj tera hai

Kal kisi aur hoga

Jo kisi aur ka tha

Wo aaj tera hoga

Tu is waqt ke saath chal

N waqt se aage badh

N waqt ke peeche jaa

Tera jo hai

Tere tak hi aayega

Jo tera nahi hai

Wo kaha tik paayega

Nayi aadtein bana

Naye farz nibha

Jindgi aise hi chalti hai

Mayoos mat ho kabhi

Tera waqt saandar hai

Bas itna yaad rakh...