Some shayari at 2 am

 (1)....Meine shaayari karni chhor di hai

Jo unse mulakat ho gayi hai

Aashik ban gaya hu mein unke husn ka

Shayar banne ki jarurat hi nahi rahi

Bas unhe sunata hu apne kalam

Auro ke liye ab kuch bhi tahrir mumkin nahi

Subah ki chamak woh hai

Saam ki gehrai bhi woh hai

Raat ki becchani woh hai

Dil e khwaahish bhi woh hai

Meri khushi woh hai

Mera gamjada dil bhi woh hai

Meri saans woh hai

Meri parwaaz bhi woh hai

Mera bhagwaan woh hai

Mera khuda bhi woh hai

Mere jine ki wajah hai woh

Shaayari to ab bewajah hai

Mein khali tha uske bagair

Meri shayari adhoori thi uske bina

Mein mukammal ho gaya hu 

Jo ghul gayi hai woh mujh mein

Meri shayari ahsaas ban gayi hai

Oth sile hai

Par aakhon mein shayari hai

Jabaan band hai

Par dil mein kohram hai

Falak tak bas saath rahein uska

Meri shayari ka parindaa aise hi udaan bharta rahein.....

(2)...Jo tere liye jhooth hai

Woh mere liye sach ka pulinda hai

Tere liye jo dillagi hai

Mere jeene ka aasra hai

Tu mujhe chahe n chahe

Mein to tere pyaar mein dub chuka

Tu sahara de n de

Tera pyaar hi mera kinara hai

Tu mile na mile

Yeh pal meri sohbat hai

Tu rahe na rahe

Teri yaadein mere jeene ka jariya hai

Tu dikhe na dikhe

Tera asar hi mere jehan ka guzara hai

Is janam mein tu sapna hi rah jaaye saayad

Agle janam mein tere dariya ka paani ban ke hi rahungaa..

(3)Sahar jeena chhor de gaon ki yaad mein

Mein jeena chhor du unki yaad mein

Aise thore chalega

Jindgi mili hai to jina hi parega

Sab kuch ek sa nahi rah sakta

Badalna to parega hi

Kal tu balak tha

Aaj yuva hoga hi

Kal jo paudha tha

Aaj vriksh banega hi

Samay ka chakra chalta rahega

Tu ulti dhara mein mat tair

Sach ko swikaar

Jiwan mila hai to jina hi parega