Woh naatak kar rahi hai...

 Mein abhi bhi jaga hu uski yaad mein

Woh so rahi hai bina kisi yaad ke

Mein prem karta hu

Woh naatak karti hai

Mein uske liye jita hu

Woh khud ke liye

Meri taalash puri hai

Uski justju baaki hai

Mere liye woh anmol hai

Use abhi bhi behtar ki talaash hai

Mera safar ruk gaya hai

Uska karwaan badh hi raha hai

Mein usmein simatna chahta hu

Woh to samundra hai

Mein uske aakhon mein dubna chahta hu

Uski aakhein kahi aur hai

Mera sabkuch woh hai

Use kinaro pe rukna pasand nahi

Mera chand woh hai

Usne kaha chand to bahut saare hai....

Mere har sawal ka jawaab woh hai

Use mujhse koi sawal hi nahi hai

Mere sapne usse jude hai

Woh kahti hai mein sapne dekhti hi nahi...

Meri subah usse hi hoti hai

Woh kahti hai tai kar lo mein tumhari suraj hu ya chand...

Meri wafayein usse hai

Wo kisi aur thikane ki talaash mein hai

Mein uske liye fariyaad kar raha hu

Wo kah rahi hai tumhara khuda to mein hu

Saayad barbaad ho jaau mein uske peeche

Wo kahegi mein tumhare kismat mein nahi thi....