Iss jaare ke dhup ke saath(2)

 Kyu aise karti ho

Kyu mujhe itna tadpati ho

Jaare ki dhup jaisi ho

Kyu milne se katrati ho

Mein chath pe baitha intezaar mein hu

Ghanto bit gaye

Par tum ab tak n aayi ho

Subah se shaam ho gayi

Dhup kab aayi 

Aur chali bhi gayi

Pata hi n chala

Tumhari umeed mein baitha raha

Thand lagti hi rahi

Dhup bhi bewafa nikli

Jaise aaj tum

Roj subah jaata hu

Haath mein liye ek kitab

Padh to kuch nahi paata

Sochta hu kuch likh hi lu

Tumhari sundarta ke baare mein

To kabhi tumhare pyaar ke liye

To kabhi apne intezaar ke liye

To kabhi tumhari bewafai ke liye

Kalam to chalta hai

Bas kuch likh nahi paata hu

Dhyan to kahi aur hai

Kavita to bahana hai

Har roj ki yahi kahani hai

Subah se saam bitani hai

Kitne thand bit gaye

Kitne thand bit jaayenge

Tum bas yuhi aati raho

Mere umeed ka pul bandhe rakho

Aisa kya hai tujh mein

Kuch soch hi nahi paata hu tumhare alawa

Roj dekhta hu

Baar baar dekhta hu

Ektak dekhta hu

Dekhte hi jaata hu

Kuch pal ko saal bana deta hu

Tumhe jaise pi leta hu

Aisa nasha kahi nahi

Mein sharaabi nahi hu

Par tumse sundar nasha kuch hoga bhi nahi

Meine raatein jaya ki hai

Meine pure din, pure mahine aur pure saal intezaar kiya hai

Har saal intezaar kiya hai

Bas is thand ke liye

Jab din chhote aur raat badi hone lagti hai

Thori thori thand lagne lagti hai

Mein chath pe jaane lagta hu

Har roj

Har subah

Jab woh pahli baar aati hai

Ek saal ke baad

Mujhe yaad hi nahi aata beeta pura saal

Kuch pal ka deedar

Ek jindgi ke liye kaafi hai

Mujhe kyu nahi mila

Jo mere liye tha

Khuda ki yeh karistaani

Aaj tak mere samajh n aayi

Kitna chahu usse

Kya kar du uske liye

Sab kuch jaayaz hai

Mere ishq ke raaste mein...

Bhul hi nahi paata hu

Aisa shabaab hai woh

Kya khuda 

Aur kya duniya

Mere maalik

Mujhe maaf kar

Usse badhkar mere liye kuch bhi nahi

Kyu kiya mere saath aisa

Mujhe alag kyu bheja

Bheja to kismat mein usse deta

Bin uske 

Kya hi matlab is jindgi ka

Kitna samay beet gaya

Pata hi nahi chala

Pyaar ka nasha

Badhta hi gaya

Baache bade ho gaye

Uske goad se utar gaye

Ab khelne lage hai

Mujhe dekhte hai

Mein bhi dekhta hu

Unhe kaise samjhau

Jo mera haq tha

Teri maa ne kisi aur ke de diya

Aur mujhe yu hi akele chhod diya

Kya bolu mein tujhse

Ae mere khuda

Mere dard ka koi hisaab nahi

Apne badkismati pe rona aaya

Kyu khuda

Aakhir kyu

Uska nahi banaya mujhe

Kuch nahi chahiye tha mujhe

Sab le lete

Bas uske mandir ka pujari bana dete

Ek mahine ka thand

Barah mahine ka ho jaata

Wo dhup mein yuhi aati

Kapde sukhane

Aur mein bhig jaata uske yowan mein

Kitni baar koshish ki

Dard bhulane ki

Uski jagah kisi aur ko dilane ki

Haar gaya mein

Apne har ek koshish mein

Aur becchan hogaya uski yaad mein

Jindgi bas kaat raha hu

Ji nahi paa raha hu

Jina tha uske saath

Aur ji raha hu kisi aur ke saath

Kaise samjhau

Aur kisse samjhau

Apne man ka pyaar

Koi raasta hi nahi

Usse paane ka

Aise hi tadpunga jindgi bhar

Iss jaare ke dhup ke saath